《我想告訴你》溝通遊戲卡+情緒釋放練習

要學生講心嗰句，難。

盤問tone與批判mode，要戒。

有乜好得過玩住傾？

一條問題一張卡，學生抽卡答，製作上最簡單省時，但我哋心知咁樣學生想玩意欲唔高。

於是一個艱鉅任務喺大半年前展開，上千張《我想告訴你，其實我並不快樂》展覽心聲卡我哋團隊逐張細閱，揀選合用內容，印喺問題卡上。我哋希望真實句子令學生回答問題前更有共鳴，仲可以鼓勵佢哋從不同角度思考，亦為套多添一重意義——紀錄香港人心聲！

遊戲由藝術心理治療師Gigi策劃，用返我哋之前develop嘅情緒守護隊為主角，講述最敏感嘅杏仁核突然失控，大家要一齊傾點樣撲熄杏仁核團火。

遊戲卡唔係純粹一問一答，反而有巧妙嘅功能牌及心聲勳章，增添玩boardgame嘅刺激爭勝感。我哋深信遊戲嘅輕鬆氣氛，會幫到學生抒發心聲，講述喺屋企嘅經歷，對人際關係及自身嘅睇法等等。

盒內仲有一疊「心事練習卡」，知道部分學生未必喜歡喺人前講嘢，學生可以利用卡上簡單嘅藝術創作表達內心，老師、社工可從中了解更多。